Nazam - Payari Dost Rabia Kay Liyeah

پیاری دوست ربیعہ کے لیے

میں کتنا تنہا تنہا ہوں

اک شخص گیا تو ،جان گیا!

جو خاموشی کی چادر میں

اور لاعلمی کے پہرے میں

ہم سب سے آخر روٹھ گیا

جو رشتہ اُس نے جوڑا تھا

وہ  موت کی ہلکی آہٹ سے

بس اک لمحے میں ٹوٹ گیا

بس اک لمحے میں آس گئی

بس اک لمحے میں رات ہوئی

پھر موت کا ایسا جھکڑ تھا ،

کہ زیست بھی اُس کے ساتھ ہوئی۔

پھر وقت بھی اس پہ مان گیا۔

کہ ہر دم  ہنستی ،ہستی کی

یوں جیون کی شمع گل ہو

یوں دنیا سے وہ رخصت ہو

کہ قدموں کی آہٹ اٹھے

نہ محفل میں شوروغل ہو۔

اور کہنے والا کہہ دے بس!

یوں اپنا دل جلاؤ کیوں؟

کہ اُس کی یاد مناؤکیوں؟

اب اُس کے ناز اٹھاؤ کیوں؟

وہ شخص تو تھا مہمان، گیا۔

میں کتنا تنہا ، تنہا ہوں۔

اک شخص گیا تو ،جان گیا۔