Nazam - Kitna Acha Hoota Naa

کتنا اچھا ہوتا ناں!

یہ کتنا اچھا ہوتا ناں!

سمے کی بہتی گنگا سے

خوشی کے قیمتی لمحے

مسرت کے حسیں موتی

بساطِ جاں میں آجاتے

تہی داماںمیں آجاتے

توکتنا اچھا ہوتا ناں!

کہ شورِ زندگی سے ہم،

بھلا کر درد کی آہیں،

مٹا کر غم کی آوازیں۔

وفا کے ساز سن لیتے

کھنکتی مسکراتی سی،

تری آواز سن لیتے۔

توکتنا اچھا ہوتا ناں!

ترے سائے تلے کچھ دن!

تری دنیا میں رہ جاتے
 تو کتنا اچھا ہوتا ناں!

شرابِ بے خودی ہم بھی

ذرا  سی اور پی لیتے

تیری رنگین محفل میں،

ہمارے جیسے دیوانے

فقط کچھ اور جی لیتے۔

تو کتنا اچھا ہوتا ناں!