Ghazal - Hai Ishq E Paychaan, Vabaal Saqi
April 28, 2007 on 8:36 pm | In Poetry |غزل
ہے عشقِ پیچاں ، وبال ساقی
کہ زندگی ہے، محال ساقی
بہک رہا ہوں، خمارِ مئے ہے
کہ تیرا حسن و جمال ساقی
قدم لرزتے ہیں مے کدے میں
سنبھال ساقی ، سنبھال ساقی
کہ غم گزشتہ ، رہیں سلامت
یہی نیرنگِ خیال ساقی،
تیری نگاہ کی جو تاب لائے
ہے دل کی ایسی مجال ساقی؟
بلائے جاں کے ہزار پیالے!
اور ایک تیرا خیال ساقی
جو خود پہ قابو، بہت ہے تجھ کو
تو مجھ کو دل سے نکال ساقی!
تو ہی صدائے بلا گرفتاں
تو ہی ہمارا سوال ساقی
تری نظر کا ہے شاخسانہ
یہ ایک لمحہ کمال ساقی
No Comments yet »
RSS feed for comments on this post. TrackBack URI
Leave a comment
Presentation of Urdu Poetry Forum - Get RSS Feed:
Entries and comments feeds.
^Top^